ДУШАНБЕ, 12 окт — Sputnik. Дар Тоҷикистон дар соли равон чандин бемористон ва марказҳои тиббӣ сохта ва ба истифода дода шуданд.
Дар ин бора Вазорати андурустӣ ва ҳифзи иҷтимоии аҳолии ҷумҳурӣ иттилоъ дод.
Бар хабари манбаъ, Вазорат бо мақсади беҳтар намудани дастрасии аҳолӣ ба хизматрасонии тиббӣ 31 муассисаи тиббӣ кушода шуд.
Ҳамзамон сохтмони боз 77 муассисаи нигаҳдории тандурустӣ феълан идома дорад.
Манбаъ афзуд, ки ҳоло 84 муассисаи тиббию санитарӣ аз таъмири асосӣ бароварда шуда, дар 96 муассиса корҳои бозсозӣ идома доранд.
Қайд карда мешавад, ки ёрии аввалин яке аз хизматрасониҳои асосӣ ва афзалиятноки соҳаи тандурустӣ мебошад. Аз ин рӯ Ҳукумати Тоҷикистон ва шарикони рушд ба он таваҷҷуҳи хоса зоҳир мекунанд.
Қаблан хабар дода шуда буд, ки дар маркази маъмурии вилояти Суғд як муассисаи нави тиббӣ ба истифода дода мешавад. Ин маркази тиббӣ "Мармед" номгузорӣ шуда, он аз 6 бино иборат шуда, 36 кат барои хобондани беморонро дорад.