ДУШАНБЕ, 10 окт — Sputnik. Барномаи фарҳангӣ фароғатӣ бахшида ба Рӯзи Фалак дар Театри давлатии академии драмавии ба номи Абулқосим Лоҳутӣ баргузор мешавад.
Дар ин бора Вазорати фарҳанги Тоҷикистон иттилоъ дода, зикр намуд, ки ҳамасола дар ҷумҳурӣ 10 октябр Рӯзи Фалак таҷлил мегардад.
Дар доираи таҷлил, консерт, намоиши ҳунарҳои мардумӣ ва асбобҳои миллӣ, намоиши китобҳо доир ба ҷашни фалак ва тафсири фарҳангшиносӣ сурат мегирад.
Қаблан ин мусиқии мардумии тоҷик ба Феҳристи мероси фарҳангии ғайримоддии ЮНЕСКО ворид ва акнун он ҳифз ва таблиғ хоҳад шуд.
Дар Тоҷикистон ансамбли "Фалак" мақоми давлатӣ дошта, дар назди Кумитаи телевизион ва радиои назди ҳукумат фаъолият дорад.
Ҳамчунин аз соли 2007 ба ин сӯ ҳар сол 10 октябр ҳамчун Рӯзи Фалак бо тантана таҷлил мегардад.
Ҳунари фалаксароӣ дар Донишкадаи давлатии фарҳанг ва санъати Тоҷикистон ба номи Мирзо Турсунзода ва Консерваторияи миллии ҷумҳурӣ ба номи Сатторов мавриди тадрису омӯзиш қарор мегирад.