ДУШАНБЕ, 28 сен — Sputnik. Русия ва дигар иштирокчиёни "формати Маскав" оид ба Афғонистон аз "Толибон* бо фаҳмиши худ дар бораи ҳукумати фарогир фарқ мекунанд.
Дар ин бора намояндаи вижаи раисиҷумҳури Русия дар умури Афғонистон, директори департаменти дуюми Осиёии Вазорати корҳои хориҷии Русия Замир Кабулов хабар дод.
Қайд карда мешавад, ки Толибон* ҳукумати ҳозираро комилан фарогир мешуморанд.
"Намояндагони дигар миллатҳо дар ҳукумат аслан аъзои ҷунбиш ҳастанд, ки аз дидгоҳи фарогирӣ фарқ мекунад", - қайд мекунад дипломат.
Вай инчунин таъкид кард, ки намояндагони ин формат "на барои фишор овардан, балки барои бовар кунонидан" ҷамъ меоянд.
"Онҳо (Толибон* - ёддошти муҳаррир) бояд ҷиддӣ фикр кунанд, зеро воқеан, ҳама давлатҳо онҳоро даъват мекунанд, ки ба раванди эҷоди як роҳбарияти воқеии намояндагӣ оғоз кунанд", - гуфт Кобулов.
Қаблан вазири умури хориҷии Русия Сергей Лавров гуфта буд, ки Русия интизор дорад, ки "формати Маскав" дар Қазон дар бораи рафъи мушкилоти Афғонистон сӯҳбат кунад.
Дар ҳоле, ки Мария Захарова, намояндаи расмии Вазорати корҳои хориҷии Русия хабар дод, ки дар ҷараёни мулоқот вазъи кунунии Афғонистон, масъалаҳои мусолиҳаи байни афғонҳо, таъмини амнияти минтақавӣ ва барқарорсозии баъдиҷангии кишвар дар назар аст.
Ёдовар мешавем, ки нишасти оид ба Афғонистон рӯзи 29 сентябр дар Қазон баргузор мешавад.
Ба “Формати Маскав” 10 кишвар, аз ҷумла: Русия, Тоҷикистон, Қазоқистон, Туркманистон ва Ӯзбекистон шомиланд.
* Ташкилот барои фаъолиятҳои террористӣ таҳти таҳримоти СММ қарор дорад.