ДУШАНБЕ, 20 сен — Sputnik. Хонандагони яке аз мактабҳои ноҳияи Ваҳдат бастаи бузурги китобҳо бо забони русиро дарёфт карданд.
Дар маҷмӯъ, 800 нашрия ба кӯдакон дода шуд, хабар медиҳад хадамоти матбуоти Россотрудничество.
Китобҳо ба муассисаи таълимии рақами №22 дар деҳаи Фахробод тақдим шуд.
Қобили зикр аст, ки соли гузашта дар ин мактаб синфхонаи забони русӣ аз ҷониби Намояндагии башардӯстонаи Русия таъмир ва бо таҷҳизот муҷаҳҳаз карда шуд.
"Бо истифода аз омӯхтани забони русӣ осон мешавад ва барои худ метавонед ҷаҳон ва таърихи нав кушоед. Ман аз самими қалб мехоҳам, ки ин ба таҳсили шумо кумак кунад ва ҷаҳонбинии шуморо васеъ кунад", - гуфт Иван Иванов, раиси намояндагии Россотрудничество дар Тоҷикистон .
Тавре муовини директори генералии НБР Татяна Орлова гуфт, барномаи дастгирии маориф яке аз самтҳои асосии фаъолияти намояндагӣ ба шумор меравад.
Китобҳои ҳадяшуда низ як қисми лоиҳаи калон буда, ба кӯдакон дар омӯзиши забон ва адабиёти рус кӯмак мекунанд.
"Ин таъсиси гӯшаҳои адабиёти рус аст. Мо ба китобхонаи шумо қариб 800 китоб ҳадя мекунем ва хеле шодем, ки мо тавонистем ин лоиҳаро дар мактаби шумо амалӣ кунем", - шарҳ дод вай.
Ҳамин гуна идора дар Норак низ кушода мешавад.
Дар маҷмӯъ, дар тамоми давраи татбиқи барномаи мақсадноки дастгирии таълими забони русӣ аллакай 29 синфхона ва гӯшаҳои забони русӣ дар хориҷи кишвар кушода шуда, бомуваффақият фаъолият доранд.