Маъракаи ҷамъоварии ҳосили пахта - 2023 бо иштироки мансабдорон ҷараён дорад, ки рӯзҳои истироҳташон ба кумаки пахтачинҳо мераванд.
Аз ҷумла беш аз 500 нафар кормандони мақомоти иҷроияи ҳокимияти давлатии вилояти Суғд, соҳаҳои маорифу тандурустӣ, фарҳангу ҳунар, молия, адибону собиқадорон ба кумаки пахтачинҳо рафтанд.
Баъди иштирок дар маъракаи ҷамъоварии ҳосили пахта, мақомдорон ҳосили ғундоштаашонро баркашиданду супориданд.
Баъди ҷамъоварӣ мақомдорону кишоварзон сари як пиёла чой суҳбат оростанд.
Ин таҷриба дар тамоми шаҳру навоҳии пахтакори Тоҷикистон амалӣ шуда истодааст.
Мақомдорон дар ҷануби Тоҷикистон низ ба маъракаи ҷамъоварии ҳосили пахта - 2023 пайвастаанд.
Раиси Хатлон, Давлаталӣ Саид низ аз тобеинаш қафо намонду пахта чинд.
Раиси Хатлон ҳамчунин бо пахтачинҳо суҳбат ороста, хостори ҷамъоварии беталафи ҳосил шуд.
Фаъолони маъракаи ҷамъоварии ҳосили пахта - 2023 дар шаҳру навоҳии Тоҷикистон қадрдонӣ гардиданд.
Бархе мақомоти маҳаллӣ натиҷаҳои пахтачиниро мунтазам ҷамъбаст мекунанду фаъолонро бо туҳфаҳо барои талоши бештар ҳавасманд мегардонанд.