Дар 22-юмин солгарди шаҳодати Аҳмадшоҳи Масъуд, қаҳрамони шаҳири Афғонистон маросими ёдбуд аз ӯ баргузор гардид.
Маросими ёдбуди Аҳмадшоҳи Масъуд дар сафорати Афғонистон дар Тоҷикистон сурат гирифт.
Дар чорабинӣ аз ҷумла намояндагони расмии Тоҷикистон иштирок доштанд.
Донишҷӯёни Афғонистону муҳоҷирони муқими Тоҷикистон барои поси хотири Масъуд гулчанбар гузоштанд.
Агар умр вафо мекард, моҳи равон Аҳмадшоҳи Масъуд 70-сола мешуд.
Ӯ сентябри соли 2001 дар пайи ҳамлаи интиҳорӣ дар Афғонистон кушта шуд.
Ҳамасола барои ёд аз номи неки ӯ, чорабиниҳои мухталиф, аз ҷумла дар Тоҷикистон баргузор мешаванд.
Раисҷумҳури Тоҷикистон, Эмомалӣ Раҳмон барои саҳми қаҳрамони миллии Афғонистон Аҳмадшоҳи Масъуд дар сулҳи тоҷикон, ӯро бо ордени "Исмоили Сомонӣ дараҷаи I" сарфароз гардонд.