Раисҷумҳури Тоҷикистон, Эмомалӣ Раҳмонро дар фурудгоҳи Остона, президенти Қазоқистон, Қосим Ҷомарт Тоқаев худаш истиқбол гирифту худаш гусел намуд.
Сафари президенти Тоҷикистон ба Қазоқистон ду рӯз давом кард.
Дар доираи сафар як қатор санадҳо, аз ҷумла ёддошти тафоҳум миёни Вазорати саноат ва технологияҳои нави Тоҷикистон ва Вазорати рушди рақамӣ, инноватсия ва саноати аэрокайҳонии Қазоқистон имзо гардиданд.
Роҳбарони Тоҷикистону Қазоқистон нахуст мулоқоти хоса ва сипас дар ҳайати васеъ музокирот доштанд.
Ҳамчунин роҳбарони ду кишвар аз масҷиди марказии Остона дидан намуданд.
Эмомалӣ Раҳмон ҳамчунин бо руҳонӣ, Имом Яҳёхоҷа Абдулло шинос шуд
Тоқаев ба Раҳмон муовини тоҷикаш дар Ассамблеяи халқҳои Қазоқистон - Акбарҷон Исмоиловро муаррифӣ кард
Инчунин Эмомалӣ Раҳмон ва Қосим Ҷомарт Тоқаев дар консерти бошукуҳ дар Остона иштирок намуданд.
Консерт дар доираи рӯзҳои фарҳангии Тоҷикистон дар Қазоқистон баргузор гардид.
Беш аз 100 ҳунарманди тоҷик фарҳанги Тоҷикистонро дар Қазоқистон муаррифӣ намуданд.
Дар доираи сафар ҳамчунин намоиши ҳунарҳои мардумӣ ва фарҳанги Тоҷикистон баргузор гардид.
Эмомалӣ Раҳмон ва Тоқаев ҳамчунин бо мусаввараҳо шинос гардиданд.