ДУШАНБЕ, 29 июл — Sputnik. Вазорати дифои Русия гуфт, ки артиши кишвар дар минтақаи шаҳри Запороже анбори сӯзишвории гурӯҳи неруҳои Украинаро бо ҳамин ном тахриб карданд.
"Дар минтақаи шаҳри Запороже як анбори сӯзишвории гурӯҳи нерӯҳои украинии "Запороже" тахриб шуд", - омадааст дар гузориши вазорати низомӣ.
Вазорати дифои Русия қайд мекунад, ки ба посгоҳи фармондеҳии бригадаи 47-уми қувваҳои мусаллаҳи Украина дар наздикии шаҳри Орехови вилояти Запороже зарба заданд.
Тибқи гузориш, танҳо дар як рӯз 97 воҳиди артиллерияи Украина дар мавқеъҳои тирандозӣ, нерӯи корӣ ва техникаи низомӣ дар 103 ноҳия шикаст хӯрд.
Қаблан раисҷумҳури Русия Владимир Путин гуфт, ки Украина барои гузаронидани ҳамлаи ҷавобӣ талошҳое нав дорад, аз ҷумла дар самти Запороже, аммо Киев шонсе ҳам надорад.
“Ман фикр мекунам, ки нерӯҳои мусаллаҳи Украина дар ин ҷо шонсе надоранд, шонс ҳам нахоҳад буд. Мисли дигар самтҳо. Ман ҳам ба ин шубҳае надорам", - таъкид кард Владимир Путин.
Ёдовар мешавем, ки ҳамлаи Украина дар самтҳои Ҷануби Донетск, Запорожие, Артёмовск 4 июн оғоз шуда буд, аммо дар пайи талафоти зиёд ба муваффақияте ноил нашуданд.