ДУШАНБЕ, 26 июл — Sputnik. КВД “Хоҷагии манзилию комуналӣ” дар нимсолаи аввали соли 2023 ба суратҳисоби мақомоти андозу шаҳру ноҳияҳо ва деҳоти ҷумҳурӣ аз рӯи ҳамаи намуди андозҳо ба маблағи 25 млн. 224 ҳазор сомонӣ ворид намуданд.
Дар ин бора масъулини КВД “Хоҷагии манзилию комуналӣ” ба рӯзноманигорон ахиран дар нишасти хабарӣ иттилоъ доданд.
Ба гуфтаи масъулини ин корхонаи давлатӣ, ин нишондиҳанда нисбати ба ҳамин давраи соли 2022 дар ҳаҷми 1 млн. 364 ҳазор сомонӣ зиёд мебошад.
Ба иттилои онҳо дар давоми 6 моҳи соли равон ба истифодабарандагон ба маблағи 104 млн. 182 ҳазор сомонӣ хизматҳои гуногуни коммуналӣ расонида шудааст.
Ба гуфтаи масъулин,ин нишондиҳанда дар қиёс ба ҳамин давраи соли гузашта дар ҳаҷми 3 млн. 065 ҳазор сомонӣ зиёд буда, суръати афзоиши он 103% ташкил медиҳад.
Қайд карда шудааст, ки корхонаҳои давлаттии фаръии соҳаи хоҷагии манзилию комуналии тобеи КВД “Хоҷагии манзилию комуналӣ” дар 6 моҳи соли 2023 ба истифодабарандагон ба маблағи 44 млн. 988 ҳазор сомонӣ хизматҳои гуногуни комуналӣ расониданд, ки дар муқоиса ба ҳамин давраи соли 2022 дар ҳаҷми 2 млн. 423 ҳазор сомонӣ зиёд буд 105,6% ташкил медиҳад.