ДУШАНБЕ, 19 июн — Sputnik. Вазири рушди иқтисоди ва Савдои Тоҷикистон зимни дидор дар ҳошияи Форуми байналмилалии иқтисодии Санкт-Петербург бо ҳамтои русаш Максим Решетников таъкид кард, ки ҳамкориҳои дуҷониба миёни кишварҳо бомаротиб рушд ёфта, ба сатҳи шарикии стартегии боэътимоду дустона баромаданд.
Дар ин бора дафтари матбуоти вазорати рушди иқтисод ва савдои Тоҷикистон хабар додааст.
Вай дар ин дидор қайд кард, ки Русия бузургтарин шарики асосии тиҷоратии Тоҷикистон буда, даҳ соли охир инҷониб дар сохтори гардиши савдои хориҷии Тоҷикистон дар ҷойи аввал қарор дорад.
Тибқи иттилои манбаъ оқои Завқизода дар ин дидор таъкид кард, ки дар 5 моҳи соли 2023 идома ёфта, гардиши савдои дуҷониба 16 фоиз рушд намуд.
Вай ёдрас шуд, ки дар соли 2022 гардиши савдои хориҷӣ байни кишварҳо 1674 млн долларро ташкил дода, нисбат ба соли 2021-ум 321 млн доллар ё 23,7 фоиз афзоиш ёфтааст.
Ҳамзамон дар вохӯрӣ ҷонибҳо ба мувофиқа омаданд, ки барои татбиқи созишномаҳои сармоягузории Форуми сармоягузории Тоҷикистону Русия ба имзо расида талоши бештар менамоянд.