Баландтарин ва бузургтарин: масҷиди нави Душанбе чӣ гуна аст - акс

Дар Душанбе билохира, бузургтарин масҷиди Тоҷикистон ифтитоҳ шуд.

Сокинони ҷумҳурӣ аз тирамоҳи соли 2019 интизори ифтитоҳ буданд, аммо бо сабабҳои гуногун ин маросим пайваста ба таъхир афтод.

Қарордоди сохтмони ин масҷид миёни Тоҷикистону Қатар ҳанӯз соли 2007 ба имзо расида буд.

Соли 2009 шахсан раисиҷумҳур Эмомалӣ Раҳмон санги асосро гузошта буд.

Сохтмони масҷид соли 2011 оғоз шуда, то соли 2019 идома ёфт.

Маросими ифтитоҳи он чанд маротиба ба таъхир гузошта шуд: аввал сафари амири Қатар номаълум буд, баъдан тамоми ҷаҳонро пандемияи коронавирус фаро гирифт.

Масҷид дар ҳудуди 12 гектар, ки бинои масҷид дар 3 гектари он ҷойгир шудааст ва дорои 3 даромадгоҳи калон мебошад, бунёд гардидааст.

Масҷид аз чаҳор манораи баландии ҳар кадомаш 74 метр, гунбази 43 метрӣ ва 17 гумбази хурд иборат аст.