ДУШАНБЕ, 6 июн – Sputnik. Вазири хориҷаи Русия Сергей Лавров гуфт, бо вуҷуди талошҳо касе наметавонад миёни Русия ва Тоҷикистон монеа ва фосила эҷод кунад.
"Эҷоди фосила миёни кишварҳои моро бисёриҳо кӯшиш мекунанд, ки кунанд, аммо ҳеҷ кас муваффақ нахоҳад шуд”, - гуфт вай.
Ӯ таъкид кард, ки дустии чандинасраи халқҳои бародар гарави боз ҳам амиқтар ва вусъат ёфтани шарикӣ ва иттифоқи ҳаматарафаи ба ҳамдигар фоидабахши ҳалқҳои русу тоҷик мебошад.
"Ин дӯстӣ боз ҳам мустаҳкамтар хоҳад шуд”, - таъкмд кард ӯ зимни суханронӣ дар Донишгоҳи Русияву Тоҷикистон (Славянӣ) дар Душанбе.
Қаблан Лавров бо Сироҷиддин Муҳриддин, вазири умури хориҷаи Тоҷикистон дидору гуфтугӯ дошта, ҷонибҳо вазъи Афғонистон, рушди равобити дуҷониба ва кумаки Русия дар таҷдиди нерӯҳои мусаллаҳи Тоҷикистонро баррасӣ кардаанд.
Дар рӯзи аввали сафараш ба Душанбе, 5 июн, Лавров аз пойгоҳи низомии 201-уми Русия дидан кард.