Дар иёлати Одишаи Ҳинд ҳудуди даҳ вагони қатораи мусофирбар, ки аз Колката ба Ченнай ҳаракат мекард, пас аз бархӯрд бо қатори боркаш аз роҳ берун шуда, ба самти муқобили роҳ чаппа шуданд
Зимнан, пас аз чанде як қатори дигари мусофирбар ба онҳо бархӯрд, ки дар натиҷа боз чанд вагони дигар бо одамон аз роҳ берун рафт
Тибқи маълумоти ахир, дар ин ҳодиса дастикам 288 нафар кушта ва беш аз 900 нафар маҷрӯҳ шудаанд
Пас аз офати табиӣ сарвазири Ҳиндустон Нарендра Модӣ бо намояндагони роҳи оҳан мулоқот даъват кард
Дар мақомот ироаи кумаки пизишкӣ ба осебдидагон ва дигар масоили марбут ба садама баррасӣ шуд
Бунёди миллии имдоди нахуствазир ҳамчунин эълом кард, ки барои хешовандони наздики ҳар як кушта 200 000 рупия ва барои захмиён 50 000 рупия ҷуброн хоҳад кард
Моди ҳамчунин ният дорад, ки аз макони ҳодисаи изтирорӣ дидан кунад ва ба бемористон дар Каттак, ки дар он ҷо бархе аз қурбониён ҷойгиранд, биравад
Вобаста ба ин фоҷиаи мудҳиш бисёре аз кишвардорон унвонии ҳукуматдорони Ҳиндустон барқияи ҳамдардӣ ирсол карданд
Мақомоти роҳи оҳан мегӯянд, эҳтимоли зери қаторҳо мондани одамони зиёд мавҷуд аст
Гуфта мешавад, пас аз анҷоми таҳқиқоти пурра теъдоди мушаххаси қурбониёнро эълон хоҳанд кард