ДУШАНБЕ, 30 май — Sputnik. Моҳвораи нави радарии русии "Космос-2569" метавонад иктишофи иншооти низомии Украинаро анҷом диҳад. Дар ин бора як манбаи огоҳи РИА "Новости" хабар додааст.
"Моҳвораи ҷадиди радарии Кондор-ФКА, ки рӯзи шанбе ба мадор бароварда шуд, барои иктишофи иншооти низомии Украина истифода мешавад", - гуфт манбаъ.
Тибқи маълумоти мавҷуда, моҳвора ба ҳисоби миёна рӯзе 2 маротиба аз болои Украина мегузарад.
Дар айни замон вай қодир аст, ки объектҳои ҳарбиро дар майдони радарӣ бо қарори 1 м сабт кунад.
Манбаъ тавзеҳ додааст, ки ин новобаста аз вақти рӯз ва обу ҳаво имконпазир хоҳад буд.
Моҳвораи нав инчунин имкон медиҳад, ки тамаркузи қушунҳои душман, интиқоли таҷҳизот ва сохтани истеҳкомҳои нав назорат карда шавад.
Қаблан ширкати Roselectronics хабар дода буд, ки дар моҳвора радаре, ки консерни "Вега" таҳия кардааст, насб шудааст.
Он қодир аст, ки аксҳои радарии сатҳи Заминро қабул кунад ва бо антеннаи рефлектории навъи чатр муҷаҳҳаз буда, мушоҳидаро дар раҳи сатхи замин дар баробари роҳи парвози Кондор таъмин менамояд.
Маълум аст, ки Кондор-ФКА дар системаи NORAD (Фармондеҳи мудофиаи аэрокосмосии Амрикои Шимолӣ) рамзи COSMOS-2569-ро гирифтааст.