Киштии кайхонии "Шэнжоу-16" аз майдони кайҳонии Тзютсюан дар шимоли Чин бо муваффақият сар дод. Киштии кайҳонӣ бо мадори муайяншуда баромада, муътадил фаъолият дорад.
Пайвастшавӣ бо истгоҳи кайҳонии "Тянгун" тақрибан 7 соат пас аз оғози парвоз сурат мегирад ва ба таври худкор сурат мегирад.
Ин рӯйдоди муҳимро телевизиони марказии Чин мустақиман пахш кард.
Кайҳоннавардонро ба кайҳон наслҳои мухталиф аз хурд то бузург гусел намуданд.
Хусусияти фарқкунандаи ин миссия дар он аст, ки аввалин бор дар таърихи кайҳоннавардии Чин ба ҳайати экипаж мутахассиси мулкӣ, ки дар артиш набуд, дохил шуд.
Дар байни аъзои экипаж тайконавти гражданӣ, профессори университети Бейханг дар Пекин, Гуй Хайчао мебошад.
Дар мавриди рисолати ӯ дар киштӣ, манобеъи чинӣ маълумоти кофӣ дар бораи корҳои таҳқиқотии оянда худдорӣ мекунанд.
Як қатор таҷрибаҳо ба омухтани зуҳуроти нави квантӣ, тафтиши назарияи нисбият, назарияҳои пайдоиши ҳаёт ва системаҳои навигатсионии дақиқ бахшида мешаванд.
Ба экипажи Чин, фармондеҳи киштӣ Тзин Хайпен сардорӣ мекард. Барои ӯ ин парвоз ба кайҳон чаҳорумин буд, ки дар кайҳоннавардии Чин рекордӣ мебошад.
Иштирокчии сеюм муҳандиси киштӣ, Чжу Янчжу мебошад. Вай ҳам ба сифати тайконавт бори аввал ба коинот парвоз кард.
Ҳайати мазкур дар истгоҳи кайҳонӣ 5 моҳ хоҳад гузаронд. Таҷҳизоти миссияи навро киштии кайҳонии "Тянчжоу-5", дар аввали моҳи май ба истгоҳи кайҳонӣ расонда буд.