Президенти Тоҷикистон Эмомалӣ Раҳмон дар ифтитоҳи дидбонгоҳҳои сарҳадии "Айвоҷ" ва "Меҳнат" дар ноҳияи Шаҳритус иштирок кард.
Дар ин ҷо раисҷумҳур бо шароити хизмати марзбонон шинос шуд
Дар ин рӯз инчунин дидбонгоҳҳои нав дар шаҳру ноҳияҳои Хоруғ, Шуғнон, Рӯшон, Дарвоз ва Ванҷи ВМКБ, Шамсиддин Шоҳин, Панҷ, Фархор, Дӯстӣ ва Ҷайҳун мавриди истифода қарор дода шуд.
Дар Рӯзи сарҳадбонон ба хизматчиёни ин ниҳод беш аз 100 номгӯи техника тақдим шуд.
Зикр гардид, ки тайи қариб таърихи сисола 150 марзбон ҷонашонро ҳангоми адои рисолаташон фидо карданд.
Президент ваъда дод, ки ҳукумат тадбирҳо барои пешниҳоди шароити беҳтари хизмату иқомат чораандешӣ хоҳад кард.
Ба муносибати Рӯзи сарҳадбонони тоҷик дар саросари кишвар 33 иншооти нави сарҳадӣ барои хизмати 4 ҳазор нафар сарбоз ба истифода дода шуд.
Дар рӯзи таҷлили Рӯзи сарҳадбонони Тоҷикистон дар ноҳияи Шаҳритус бо иштироки раисиҷумҳур, Эмомалӣ Раҳмон инчунин гузашти ҳарбӣ баргузор шуд.
Президент аз марзбонон даъват намуд, ки Ватан ва ҳар ваҷаб марзи онро дӯст доранд, ба савганди ҳарбӣ, давлат ва халқи Тоҷикистон содиқ бошанд
Вай илова намуд, ки ҳукумат бо дарназардошти хизмати содиқонаи хизматчиёни ҳарбии Қӯшунҳои сарҳадӣ, то ҳол 129 нафар афсарону сарбозон бо мукофотҳои давлатӣ ва рутбаҳои олии ҳарбӣ қадрдонӣ кардааст.
Ҳамчунин, ҷиҳати беҳтар гардонидани шароити иҷтимоӣ 1700 оилаи афсарони мақомоти сарҳадӣ бо манзили истиқоматӣ таъмин карда шудаанд.