Дар намоишгоҳи байналмилалӣ даҳҳо донишгоҳу донишкада аз Русия ва Белорус ширкат карданд.
Барои Русия чунин намоишгоҳ агар солҳои охир як анъана бошад, намояндагони Белорус бори аввал дар чунин чорабинӣ иштирок доштанд.
Довталабони таҳсил ва хоҳишмандони шиносшавӣ бо фаъолияти донишгоҳҳо дар Русия ва Белорус зиёд буданд.
Намояндагони донишгоҳҳо довталабонро бо самтҳо ва барномаҳои таҳсил, шароити дохилшавӣ шинос карданд.
Ин намоишгоҳ дар якҷоягӣ бо Вазорати маориф ва илми Тоҷикистон, намояндагии "Россотрудничество" дар ҷумҳурӣ ва сафоратҳои Русияву Беларус баргузор шуд.
Барои бакалавру магистрҳо донишгоҳҳо низ имкони идомаи таҳсилро аз рӯи ихтисоси худ пешниҳод кардаанд.
Ҳамасола Русия барои довталабони тоҷик садҳо квота аз ҳисоби буҷа ҷудо мекунад.
Ихтисоси квотаҳо сол ба сол зиёд шуда, интизор меравад, ҳамкорӣ дар ин бахш таҳким ёбад.
Довталабони тоҷикистонӣ низ ба таҳсил дар Русия майли зиёд доранд.
Маскав ва Душанбе омодагию ҳавасмандияшонро барои таҳкими ҳамкорӣ пайваста таъкид мекунанд.