ДУШАНБЕ, 20 май — Sputnik. Кишварҳои G7 аз ҷунбиши ҳокими толибон* дар Афғонистон даъват карданд, ки ӯҳдадориҳои худро дар мубориза бо терроризм иҷро кунанд, гуфта мешавад дар изҳороте дар ин нишаст.
"Мо афзоиши таҳдидҳо ба субот ва вазъи вахими инсонӣ ва иқтисодии Афғонистонро бо нигаронии амиқ қайд мекунем. Мо аз ҳукумати феъл тақозо мекунем, ки уҳдадориҳои худро дар мубориза алайҳи терроризм иҷро кунад ва ваъда диҳад, ки қаламрави ин кишвар барои ҳамла ба дигар давлатҳо ва ҳамчунин макони маблағгузории амалҳои террористӣ намегардад", - омадааст дар ҳуҷҷат.
Зимнан, кишварҳои ин созмон аз нақзи мунтазами ҳуқуқ ва озодиҳои бунёдӣ аз ҷониби толибон* изҳори норозигии шадид карданд.
Нишасти G-7 рӯзи 19 май дар Хиросимаи Ҷопон оғоз шуд ва то 21 май бо назардошти он идома хоҳад кард.
Ба ҷуз аз кишварҳои G7, Ҳиндустон, Австралия, Бразилия, Кореяи Ҷанубӣ, Ветнам ва се кишвари дигар даъватнома гирифтанд: Индонезия, ҷазираҳои Кук ва Иттиҳоди Коморҳо.
Илова ба ин, сарони ҳафт созмон: СММ, Ожонси байналмилалии энержӣ, Сандуқи байналмилалии пул, Созмони ҳамкориҳои иқтисодӣ ва тавсеъа, Бонки ҷаҳонӣ, СҶБ ва СҶС низ ба ин чорабинӣ даъват шуданд.
* ин гурӯҳ барои фаъолиятҳои террористӣ таҳти таҳримоти СММ қарор дорад