Андрей Марушкин, фармондеҳи пойгоҳи 201-и Русия дар Тоҷикистон дар расми ифтитоҳи ин маърака гуфт, 9 майи соли 1945 дар таърихи башар хоҳад монд.
Фармондеҳ гуфт, 9 май ҳамчун рӯзи пирӯзии мардуми Шӯравӣ ва иттиҳоду қудраташ чӣ дар майдони ҷанг ва чӣ дар ақибгоҳ барои ҳамеша сабт шудааст.
Дар Русияву Тоҷикистон хонаводае вуҷуд надорад, ки як азизи худро дар ин ҷанг аз даст надода бошад.
Дар ҳамоиш ҳамчунин кӯҳнасарбозони интернатсионалист, хонандагон, донишҷӯён ва сокинони Тоҷикистон ширкат карданд.
Ба тамошобинон ҳамчунин техникаю лавозимоти низомии пойгоҳи 201-ум намоиш дода шуд.
Ҷузву томҳои мухталиф, назири ротаҳои муборизаи радиоэлектронӣ, тирандозон, тактирандозон, разведка ва ғайра режа рафтанд.
Бисёриҳо акси аҷдодони худро дар даст доштанд, ки дар ҶБВ иштирок намудаанд.
Чорабинии идона бахшида ба Ғалаба дар пойгоҳи низомии 201-ум намояндагони наслҳои мухталифро ба ҳам овард.
Ба хонандагон имкон дода шуд, ки бо техникаи низомӣ шинос шаванд.
Техникаи низомӣ махсусан мавриди таваҷҷуҳи ҳозирин қарор гирифт.
Дар шиорҳо бо забони русию тоҷикӣ бо сипосгузорӣ барои пирӯзӣ таъкид шуда буд, ки он корнамоиҳо ҳеч гоҳ фаромӯш намешаванд.