ДУШАНБЕ, 9 май — Sputnik. Эмомалӣ Раҳмон, раисиҷумҳури Тоҷикистон, бо даъвати ҳамтои русаш Владимир Путин дарӯтоқи боҳашаму таъризии Кремл дар як субҳонаи ғайрирасмӣ ширкат кард.
Дар чорабинӣ ҳамчунин раҳбарони дигари кишварҳои ИДМ – Қосимҷомарт Тоқаев, Содир Ҷабборов, Шавкат Мирзиёев ва Никол Пашинян ширкат доштанд.
Ӯтоқи паҳлӯӣ дар замони подшоҳ Иван III сохта шудааст. Майдони он 495 кв. м.Дар замони супурдани сохтмону истифодаи он, макони боҳашаматтарин ва калонтарин утоқи подшоҳӣ дар Русия ва Аврупо гардид.
Ҳоло ин биноҳо барои зиёфатҳо, маросимҳои қаср, вохӯриҳои муҳим ва қабули давлатии меҳмонони бонуфузи хориҷӣ истифода мешаванд.
Онро инҳо диданд: Дэн Сяопин, Иосип Броз Тито, Ричард Никсон, Ҷорҷ ва Барбар Буш, малика Елизавета II ва Си Ҷинпин.
Ёдовар мешавем, ки раҳбарони Арманистон, Беларус, Тоҷикистон, Туркманистон, Узбекистон, Қирғизистон ва Қазоқистон барои таҷлил аз Рӯзи Ғалаба ба Маскав омада буданд.
Онҳо дар паради идона иштирок карда, баъд ба сари қабри аскари номаълум гулдастаҳо гузоштанд.