ДУШАНБЕ, 6 май — Sputnik. Дар сафорати Русия дар Тоҷикистон чорабинии тантанавӣ бахшида ба 78-умин солгарди Ғалаба дар Ҷанги Бузурги Ватанӣ баргузор шуд.
Ба гузориши хабарнигори Sputnik Тоҷикистон, сафири Русия Семён Григорев ба чаҳор собиқадори Ҷанги Бузурги Ватанӣ ва коргарони фронт табрикоти раисиҷумҳури Русия Владимир Путин ва тӯҳфаҳои намояндагии дипломатии Русияро бо тантана супурд.
"Рӯзи муқаддас барои ҳамаи мо - 78-умин солгарди Ғалабаи мардуми шӯравӣ бар Германияи фашистӣ наздик мешавад. Ғалабаро дар он ҷанг сарбози шӯравӣ ба даст оварда буд. Ин симои дастаҷамъии тамоми халқҳои ИҶШС аст, ки далерона китф ба китф мечангид ва фашистонро торумор кард", — гуфт сафир.
Ба гуфтаи ӯ, чунин қаҳрамониро тоҷикон, ки солҳост алайҳи терроризму ифротгароии байналмилалӣ мубориза мебаранд, нишон медиҳанд.
"Мо ба пирӯзӣ дар заминаи миллӣ шарик нестем, саҳми ҳар як ҷумҳурӣ, мардуми он аз натиҷаи умумӣ ҷудонашаванда аст. Русия саҳми Тоҷикистонро дар Ғалабаи бузург баҳои баланд медиҳад", - қайд кард Григорев.
Дипломат хотиррасон кард, ки бештар аз 300 ҳазор нафар сокинони кишвар, ки он вақт қариб чоряки аҳолиро ташкил медод, ба фронт рафтаанд. Зиёда аз 90 ҳазор нафарашон барнагаштанд.
Посол РФ в Душанбе поздравил участников Великой Отечественной войны с годовщиной Победы
© Sputnik
Ва 54 нафар собиқадорони ҷанг аз Тоҷикистон бо ҷоизаи олӣ – Ситораи тиллои Қаҳрамони Иттиҳоди Шӯравӣ сарфароз гардиданд.
Дар Точикистон 29 госпитал ба кор андохта шуд, ки дар онҳо даҳҳо ҳазор нафар хизматчиёни ҳарбӣ муолиҷа ва барқарор карда шуданд, қариб 40 ҳазор нафар аз навоҳии марказии ИҶШС дар оилаҳои оддӣ ҷойгир карда шуданд, ки ба онҳо чун хешу табор муносибат мекарданд.
"Мо инро ҳеҷ гоҳ фаромӯш намекунем!" — гуфт Григорев.
Ӯ ҳамчунин қайд кард, ки "бахусус эҳтиром аст, ки роҳбарият ва мардуми Тоҷикистон воқеан собиқадоронро эҳтиром ва дастгирӣ мекунанд".
Барои собиқадорон ва дигар иштирокчиёни вохӯрӣ ҳунармандони Театри опера ва балети ба номи С.Айнӣ консерти идона намоиш дода, сурудҳои солҳои ҷангро иҷро намуда, суруди "Рӯзи Ғалаба"-ро тамоми иштирокчиёни чорабинӣ иҷро намуданд.
Дар он сафирон аз кишварҳои ИДМ, раҳбарияти пойгоҳи низомии 201-и Русия, намояндагони вазоратҳои корҳои хориҷӣ ва вазорати дифоъи Тоҷикистон ва созмонҳои собиқадор ширкат доштанд.