ДУШАНБЕ, 29 апр — Sputnik. Мудири маркази вилоятии бемориҳои наркологии вилояти Хатлон Сайфулло Бухориев ба сомонаи “Фараж” хабар додааст, ки гирифторони нашъамандӣ дар вилоят кам шудааст.
Ба гуфтаи вай, ҳоло дар вилояти Хатлон ҳамагӣ 708 бемори наркологӣ мавҷуд аст, ки аз онҳо 17 нафарашон зананд.
Ба гуфти ӯ шумораи беморон дар соли гузашта 726 нафарро ташкил медод, ки дар се моҳи соли равон 18 нафар кам шудаст.
Омили асоси кам шудани гирифторони ин бемориро роҳбари ниҳоди мазкур амалисозии барномаҳои миллӣ дар сатҳи пешгирӣ ва назорати маводи нашъадор арзёбӣ кард.
Ба гуфти оқои Бухориев, беморони наркологӣ бештар дар шаҳру ноҳияҳои Бохтар, Кӯлоб ва Вахш мебошанд.
“Дар маркази мазкур 20 кат ҳаст, ки ҳоло дар он ду бемори майпараст бистарӣ буда, барои беморон ду вақт хӯрок дода мешавад”, – зикр кардааст Мудири маркази вилоятии бемориҳои наркологии вилояти Хатлон .