ДУШАНБЕ, 24 апр — Sputnik. Флоти Баҳри Сиёҳ ҳамлаи ҳавопаймоҳои бесарнишини Қувваҳои Мусаллаҳи Украинаро ба Севастопол дафъ кард, гуфт губернатори шаҳр Михаил Развожаев.
"Аз соати 03:30-и субҳ кӯшиши ҳамла ба Севастопол сурат гирифт. Тибқи вазъи кунунӣ: як ҳавопаймои бесарнишини аз ҷониби нерӯҳои баҳрӣ нобуд карда шуд ва дуввумӣ худаш таркид”, - навиштааст ӯ дар Telegram-каналаш.
Ба гуфтаи ӯ, тамоми хадамоти шаҳр дар ҳолати омодабош қарор доранд. Ягон иншооти шаҳр осеб надидааст. Сокинони маҳаллӣ дар шабакаҳои иҷтимоӣ низ аз садои баланд хабар доданд.
Ҳамла дар берун аз шаҳр зада гардонда шуд. Ба гуфтаи губернатор, ҳоло ҳама чиз ором аст.
Ёдовар мешавем, ки аз моҳи июли соли 2022 ҳавопаймоҳои бесарнишини украинӣ мунтазам кӯшиш мекарданд ба пойгоҳи асосии флоти Баҳри Сиёҳ дар Севастопол ва инчунин объектҳои дигар дар Қрим ҳамла кунанд.
Ба пойгоҳҳои флот, объектҳои энергетики, аэродромҳои ҳарбӣ ҳуҷум карда шуданд, аммо системаҳои дифои ҳавоии Русия аксари ҳавопаймоҳои бесарнишинро нобуд мекунанд.
Ба ин далел, сатҳи зарди хатари террористӣ дар Севастопол ба муддати номуайян амал мекунад, ки ин афзоиши фаъолияти мақомоти ҳифзи ҳуқуқро дар назар дорад.
Муҳофизати объектҳои стратегӣ, аз ҷумла инфрасохтори энергетикӣ зиёд карда мешавад.
Он инчунин дар истгоҳҳои роҳи оҳан ва дигар ҷойҳои серодам санҷишҳо анҷом медиҳад. Ғайр аз ин, ташкилотҳои тиббӣ ба ҳолати омодабошии баланд гузаронида шудаанд.