Супермодели амрикоии фаластину ҳоландитабор, Белла Ҳадиди 26-сола тибқи маҷаллаи Time ба феҳрасти афроди бонуфузи ҷаҳон дар соли 2023 шомил шуд.
Дар миёни "иконҳо" ин нашрия ҳунарпеша Ҷеннифер Кулидҷро ворид кардаст, ки дар силсилафилмҳои "Лотоси сафед", "Ду духтари нодор" ва "Пироги амрикоӣ" нақш офаридаст.
Ба қатори "Пешвоён" президенти Бразилия Луис Инасиу Лула да Силва дохил гардидаст.
Бозигари мунтахаби милии Аргентина Лионел Месси низ дар ин рӯйхат ном бурда шудаст.
Дар соҳаи санъат, Майкл Бакари Ҷордан садрнишин шудааст, ки бо филмҳои "Чоргонаи фантастикӣ", "Пантераи сиёҳ" ва "Крид: Мероси Рокки" ва "Крид 2" маъруф аст.
"Навовар" дар маҷалла, роҳбари 72-солаи Disney Боб Айгер дониста шудаст, ки соли 2018 соҳибкори сол эълон шуда буд.
Ҳунарпешаи амрикоӣ ва барандаи ҷоизаи Оскар Анҷеле Бассетт низ ба ин радабандӣ шомил шуд.
Ҳунарпеша Ке Хю Куан аз филми оскардори "Ҳама чиз ҳама ҷо ва якбора" низ дар рӯйхат аст.
"Шоҳи Боливуд" - Шоҳрух Хон низ аз садгона канор намондаст.
Миёни бонуфузтаринҳо инчунин коргардони филми ҳиндии RRR С.С. Раҷамули мебошад, ки асараш аз беҳтаринҳои соли 2022 номида мешавад.
Доҷа Кет, репсарои амрикоӣ низ шомили садгонаи бонуфуз гардидаст.