ДУШАНБЕ, 12 апр — Sputnik. Русия ва Тоҷикистон қодиранд то се маротиба гардиши молро афзоиш диҳанд.
Дар ин бора Раҷҷаббой Аҳмадзода, муовини якуми раиси Маҷлиси милии Маҷлиси олии Тоҷикистон дар ҷаласаи Комиссияи ҳамкории Маҷлиси Миллӣ ва Шӯрои Федератсияи Русия изҳор дошт.
"Мо ҳоло беш аз 1,5 млрд доллар гардиши мол дорем. Худо хоҳад он то 5 млрд доллар мерасад, гардиши молро боло мебарем вато се баробар зиёд хоҳем кард", - гуфт ӯ.
Ба таъкиди Аҳмадзода, равобити ду кишвар бо сатҳи баланди эътимод, дастгирии пайвастаи ҳамдигар ва дӯстӣ фарқ мекунад.
Сиёсатмадори тоҷик ёдовар шуд, ки соли 2022 Русия ва Тоҷикистон 30-умин солгарди барқарории равобити дипломатиро ҷашн гирифтанд.
"Дар ин давра мо як бағоҷи устувори ҳамкориҳоро дар соҳаҳои гуногун инкишоф додем", - гуфт ӯ ва афзуд, ки равобити байнипарлумонӣ ба сатҳи сифатан нав баромад.
Қаблан Николай Журавлев, муовини раиси Шӯрои Федератсия мизони рекордии муомилоти мол миёни Русия ва Тоҷикистонро рад накард.
Ба эътиқоди ӯ, дар 2 соли оянда гардиши молии кишварҳо метавонад беш аз 2 баробар афзоиш ёбад.
Ҳамин тариқ, ба гуфтаи Журавлев, Маскав ба содироти молҳои саноатӣ ва таҷҳизот манфиатдор аст.
"Мо ба таъмин намудани дастгоҳҳои худ, маҳсулоти комплекси сузишворию энергетикӣ хеле манфиатдорем, — гуфт ӯ.
Душанбе дар навбати худ маҳсулоти кишоварзиро ба бозори Русия бештар ворид мекунад.