ДУШАНБЕ, 29 мар – Sputnik. На танҳо Украина ба майдони озмоишии силоҳи биологии Амрико табдил ёфтааст, изҳор дошт дабири Шӯрои амнияти Русия, Николай Патрушев.
Ӯ зимни ҳамоиши дабирони Шӯрои амнияти СҲШ дар Деҳлӣ изҳор дошт, ки ИМА инчунин Гурҷистон, Молдова ва як қатор кишварҳои узви ин созмонро ҳадаф қарор додааст.
"На танҳо Украина ба майдони озмоиши силоҳҳои биологӣ табдил ёфтааст. Иёлоти Муттаҳида ва дигар ҷумҳуриҳои собиқ шӯравӣ, аз қабили Гурҷистон, Молдова ва як қатор кишварҳои узви СҲШ низ дар назар ҳастанд", - гуфт Патрушев.
Вай афзуд, ки баррасии масоили таъмини амнияти биологиро дар чаҳорчӯби СҲШ ниҳоят муҳим медонад.
Ба гуфтаи дабири Шӯрои амнияти Федератсияи Русия, зарур аст, ки машваратҳои мунтазами коршиносон оид ба бехатарии биологӣ дар формати СҲШ, аз ҷумла тавассути вазоратҳои хориҷа ташкил карда шаванд.
Патрушев таъкид намуд, ки далелҳои раднашавандае мавҷуданд, ки Вашингтон фаъолияти густурдаи биологиро дар қаламрави Украина амалӣ мекунаду табақаи ҳукмрони амрикоӣ низ дар ин раванд дохиланд.
Ӯ афзуд, ки вар вилоятҳои Тернопол, Одесса, Харков, Николаев дар наздикии муассисаҳое, ки ангезандаҳои патогенӣ омӯхта шудаанд - табларза, вабо, зукоми хук, гепатити А, ботулизм сабт гардидаанд.
Қаблан мақомоти Русия ҳушдор дода буданд, ки озмоишҳо дар ташхисгоҳҳои амрикоӣ дар Украина сулҳхоҳона набуданд, балки ба сохтани силоҳи биологӣ равона шуда буданд.