Сарвазири Тоҷикистон, Қоҳир Расулзода аз ҷумла аз ҳоли кӯдаке хабар гирифт, ки навори наҷоташ аз зери тарма дар шабакаҳои интернетӣ нашр гардида буд.
Табибон ба Расулзода дар мавриди вазъи саломатии осебдидагон гузориш доданд.
Расулзода ба осебдидагон шифои комил хоста, таъкид намуд, ки аз ғамхории ҳукумат бархӯрдор хоҳанд буд.
Сарвазири Тоҷикистон, аз макони тарма дар маҳаллаи Носири Хисрави шаҳри Хоруғ низ боздид кард.
Сарвазирро роҳбарияти ВМКБ, сардори КҲФ ва мақомоти иқтисодии ҷумҳуриявӣ ҳамроҳӣ карданд.
Вай дастур дод, ки сокиноне, ки хонаҳояшон тахриб шудаанд, ҳарчи зудтар бо манзили нав таъмин гарданд.
Таъкид шудааст, ки дар маконе, ки зери тарма мондааст, дигар хонаҳо бунёд нашаванд, чун дер ё зуд боз офати табиӣ рух хоҳад дод.
Расулзода ҳамчунин бо сокинони шаҳри Хоруғ суҳбат анҷом додааст. Аз ҷумла онҳое, ки наздиконашонро аз даст додаанд.
Тармафароӣ, ки ахиран ВМКБ, аз ҷумла Хоруғро фаро гирифт, даҳҳо куштаю маҷруҳ барҷой гузошт.
Сарвазир изҳор доштаст, ки бартарафсозии оқибатҳои офати табиӣ дар ВМКБ таҳти назорати бевоситаи раисҷумҳур, Эмомалӣ Раҳмон қарор дорад.