ДУШАНБЕ, 13 фев — Sputnik. То охири соли равон тамоми аҳдоф дар чаҳорчуби амалиёти вижа дар Украина 100 дарсад иҷро хоҳанд шуд, гуфт раҳбари Чеченистон дар шабакаи телевизмонии "Россия 24".
"Новобаста аз он, ки баъзе нафарон мегӯянд - як сол, ду, се сол барои анҷом додани амалиёт лозим аст, аммо ман бовар дорам, ки то охири сол мо мақсадҳои дар пеши истодашударо 100 дарсад анҷом хоҳем дод", - гуфт Қодиров.
Вай илова кард, сарбозҳо барои он мубориза мебаранд, ки сулҳ бошад тирпаронӣ набошад.
“Мо бояд мисли имрӯзҳо шабу рӯз кор кунем", - таъкид кард раҳбари Чеченистон.
Русия аз рӯзи 24 феврали соли гузашта дар Украина амалиёти вижаи низомӣ оғоз кард. Раисиҷумҳури Русия Владимир Путин вазифаи онро "ҳифозати одамоне номид, ки дар тӯли ҳашт сол таҳти таъқиб ва наслкушӣ аз ҷониби режими Киев қарор доштанд". Ба гуфтаи раисҷумҳур, ҳадафи ниҳоии амалиёт озодсозии Донбасс фароҳам овардани шароитест, ки амнияти Русияро кафолат медиҳад.