ДУШАНБЕ, 12 фев — Sputnik. То 13 феврал дар шоҳроҳҳои кӯҳии ҷумҳурӣ яхбандӣ пешгӯӣ мешавад, ҳушдор дод Агентии обуҳавошиносии ҷумҳурӣ.
Ба иттилои манбаъ, давоми 2 рӯзи оянда дар минтақаҳои кӯҳии шаҳру ноҳияҳои тобеи ҷумҳурӣ ва ғарби Вилояти Мухтори Кӯҳистони Бадахшон хатари яхбандия офатҳои табиӣ вуҷуд дорад.
Ҳавошиносон инчунин аз хатари фаромадани тарма дар шоҳроҳи Душанбе - Чаноқ, махсусан дар қисмати километрҳои 44-79 ҳушдор додаанд.
Дар ВМКБ ҳавои абрнок пешгӯӣ шуда, ҳарорат дар ғарби вилоят шабона 11-16 ва рӯзона 1-6 дараҷа хунук мешавад. Дар шарқи вилоят хунукии ҳаво шабона ба 30-35 ва рӯзона 14-19 дараҷа сардӣ мерасад.
Суғдро низ ҳавои абрнок фаро гирифта, ҳарорат дар водиҳо шабона 7-12 дараҷа хунук ва рӯзона 1+6 дараҷа гарм, дар ноҳияҳои кӯҳӣ шабона 13-18 ва рӯзона 1-6 дараҷа хунук дар назар аст.
Ҳарорат дар водиҳои Хатлон шабона аз 3 дараҷа хунук то 2 дараҷа гарм, рӯзона 4+9 дараҷа гарм, дар доманакӯҳҳо шабона 4-9 дараҷа хунук ва рӯзона аз 2 дараҷа хунук то 3 дараҷа гарм пешгӯӣ мегардад.
Дар шаҳру ноҳияҳои тобеи ҷумҳурӣ ҳавои тағйирёбандаи бебориш пешгӯӣ мешавад. Душанберо ҳавои абрнок ва тормеғ фаро гирифта, ҳарорат шабона 5-7 дараҷа хунук ва рӯзона 5+7 дараҷа гарм мешавад.