ДУШАНБЕ, 31 янв — Sputnik. Дар Тоҷикистон имкон дорад, воридоти маҳсулоти плостикӣ манъ карда шавад.
Пешниҳод дар ин бораро Кумитаи ҳифзи муҳити зист ба ҳукумати кишвар ироа кардааст.
Дар ин бора раиси ин ниҳод Баҳодур Шерализода зимни нишасти хабарияш гузориш дод.
"Мо тасмим гирифтем ки барои тоза нигоҳ доштани муҳити зист аз партовҳои пластикӣ, барои манъ намудани воридот ва истифодаи борҷомаҳои пластикӣ ба қонунгузории кишвар тағйирот ворид созем", - гуфт ӯ.
Номбурда гуфт, пешниҳоди мазкур ҳоло дар ҳукумат баррасӣ мешавад.
Ба иттилои Шерализода ин ниҳод ҳамчунин миёни мардум барномаҳои фаҳмондадиҳӣ гузаронида, онҳоро ба даст кашидан аз истифодаи борҷомаҳои пластикӣ даъват мекунанд.
Шерализода афзуд, ки мушкили ифлосшавии муҳил аз маводҳои яккаратаи плостикӣ дар сатҳи ҷаҳонӣ вуҷуд дорад, бинобар ин ҳоло дар сатҳи СММ оид ба манъи ин мавод гуфтушунид меравад.