Бориши барф якбора дар соҳили баҳри Ҷопон ва дар чанд минтақаи кишвар оғоз ёфт.
Ҳавошиносони Ҷопон гуфтанд, ки дар баъзе минтақаҳо сардтарин ҳарорат дар даҳсолаи ахир мушоҳида мешавад.
Дар Токио ҳарорати ҳаво аллакай то -4 дараҷа паст шудааст, ки ин ба иқлими маҳаллӣ тамоман хос нест.
Аммо, ҳавошиносон ҳушдор медиҳанд, ки ин ҳадд нест. Рӯзона дар ин ҷо то 60—80 сантиметр боришот сабт мешавад. Ҳарорат дар баъзе минтақаҳо то -10 дараҷа паст мешавад.
Бар асари номусоидии обу ҳаво, ҳолати изтирорӣ низ рух дод: як нафар ба ҳалокат расида, дастикам 13 нафар маҷруҳ шуданд.
Ҳамчунин 10 роҳи автомобилгард баста шуда, дар яке аз роҳҳои калонтарин — Мэйшин (Нагоя — Кобе) тамбашавии 40 километрӣ ба амал омад.
Илова бар ин, бар асари боридани барфи зиёд ҳудуди 500 парвоз лағв шудааст. Онҳо асосан дар фурудгоҳҳои соҳили баҳри Ҷопон лағв шудаанд.
Интизор меравад, ки сардиҳои шадид дар Ҷопон ҳадди ақал то рӯзи панҷшанбеи 26 январ боқӣ хоҳад кард.