ДУШАНБЕ, 23 янв — Sputnik. Раисиҷумҳури Русия Владимир Путин дар паёми ахираш, коҳиши хавфҳо дар тиҷорати мутақобила бо истифода аз арзи хориҷӣ ва низомҳои пардохтро ҳадафи асоси кишварҳои узви Иттиҳодияи Иқтисодии АвруОсиё номид.
Паёми Владимир Путин кишвардори Русия дар сомонаи Кохи кремлин нашр шудааст.
"Вазифаи муҳими мо дар он аст, ки пайваста бояд хавҳои иқтисодие, ки дар тиҷорати мутақобила ҳангоми истифодаи асъори хориҷӣ ва низоми пардохт эҷод мешавад коҳиш дода шавад. Мо аз он бармеоем, ки шарти ҳатмӣ барои муносибатҳои муътадили ҳисоббаробаркунӣ дар доираи Иттиҳод ин пайвастани шарикон ба Низоми интиқоли Бонки Русия ва рушди ҳамкории байнисистемавии низомҳои пардохти миллӣ мебошад", - гуфтааст раҳбари Русия.
Ҳамчунин, ба гуфтаи кишвардори Русия, ҳамоҳангсозии бозорҳои молӣ бояд шароити мусоиде барои ҳифзи сармоя дар дохили кишварҳои узв таъмин шавад ва ин маблағҳо ба иқтисоди миллӣ сармоягузорӣ шаванд.
Ҳамзамон раисҷумҳури Русия, дар бораи таъсиси агентии рейтингии АвруОсиёро, ки метавонад воситаи баҳодиҳии хидматрасониро дар шароити афзояндаи иқтисодӣ дар макроминтақаҳоро фароҳам созад, қайд кард.