ДУШАНБЕ, 22 дек — Sputnik. Намояндаи Тоҷикистон ба даври ниҳоии Озмуни байналмилалии омӯзгорони забони русӣ дар хориҷи кишвар “Таълими бидуни марз” роҳ ёфт.
Миёни онҳо Евгений Ласитса, директори Муассисаи давлатии ҷумҳуриявии таълимии буҷетии "Мактаби миёнаи ба номи М.В.Ломоносов дар шаҳри Бохтар" низ қарор дорад, менависад АМИТ "Ховар".
Акнун вай бояд дар даври ниҳоӣ, ки дар Маскав баргузор мешавад, маҳорати суханварии худро нишон диҳад.
Евгений Ласитса дар мактаби русӣ-тоҷикии шаҳри Бохтар, яке аз панҷ мактабе, ки бо дастгирии Русия сохта шудааст, дарс мегӯяд, ки маросими тантанавии ифтитоҳи онҳо 1 сентябри соли 2022 баргузор шуд.
Бисёре аз омӯзгорони кишварҳои ИДМ, ки ба забони русӣ дарс медиҳанд, барои ширкат дар лоиҳаи байналмилалии “Таълими бидуни марз” ширкат карданд. Танҳо 12 нафар тавонистанд ба марҳилаи охирини озмун гузаранд.
Озмуни байналмилалии омӯзгорони забони русии кишварҳои ИДМ “Таълими бидуни марз” дар ду марҳила баргузор мешавад. Марҳилаи дуюми рӯбарӯи озмун аз 22 то 24 декабр дар Маскав дар шакли ҳимояи лоиҳа дар назди ҳакамон баргузор мешавад.
Маҳорати суханварӣ ва қобилияти муколамаи муаллим бо шунавандагон баҳо дода мешавад.
Озмун барои омӯзгорони забони русии мактабҳо ва марказҳои таълимии кушодаи кишварҳои ИДМ, инчунин омӯзгороне, ки забони русиро ҳам аз рӯи усулҳои классикӣ ва ҳам бо истифода аз технологияҳои инноватсионии таълимӣ ва коркардҳои методии худ таълим медиҳанд, ташкил карда шудааст.