ДУШАНБЕ, 8 дек — Sputnik. Сафари президенти Ӯзбекистон Шавкат Мирзиёев ба Қирғизистон ба муҳлати дертар мавқуф гузошта шуд.
Дар ин бора дафтари матбуоти Вазорати корҳои хориҷии ин ҷумҳурӣ хабар додааст.
Нахуст хабар дода шуда буд, ки сафари Мирзиёев рӯзи 10 декабр сурат мегирад. Аммо дар як сӯҳбати телефонӣ раҳбарони кишварҳо ба мувофиқа расиданд, ки дар давоми моҳ боздид анҷом диҳанд.
"Замони сафар дигар карда шуд. Санаи дақиқ то ҳол маълум нест, аммо он то охири моҳи декабр сурат хоҳад гирифт", - тасдиқ кард вазорати хориҷаи Қирғизистон.
Қаблан маълум шуд, ки дар ҷараёни сафар имзои як қатор асноди марбут ба аломатгузорӣ ва делимитатсияи қитъаҳои мушкили марзи ду кишвар дар назар аст.
10 октябри 2022, 18:35
Аз ҷумла, президентҳо тасвибномаҳои идораи муштараки обанбори Кампир-ободро табодули назар мекунанд ва санадеро имзо мекунанд, ки тартиби убури сарҳадро барои шаҳрвандони ду ҷумҳурӣ соддатар мекунад.