Дар маҷлиси ҳукумат нахуст ҳисоботи муовини якуми Вазири саноат ва технологияҳои нави Тоҷикистон дар бораи ҷараёни иҷрои қарори ҳукумати Тоҷикистон "Дар бораи Барномаи рушди саноати сабук дар Ҷумҳурии Тоҷикистон барои давраи то соли 2022" шунида шуд.
Дар маҷлиси ҳукумат нахуст ҳисоботи муовини якуми Вазири саноат ва технологияҳои нави Тоҷикистон дар бораи ҷараёни иҷрои қарори Ҳукумати Тоҷикистон "Дар бораи Барномаи рушди саноати сабук дар Ҷумҳурии Тоҷикистон барои давраи то соли 2022" шунида шуд.
Таъкид гардид, ки барномаи мазкур дар доираи ҳадафи чоруми стратегӣ – саноатикунонии босуръати мамлакат амалӣ шуда, барои таъмини рушди иқтисодиёти мамлакат аз ҳисоби рушди саноати сабук муҳим мебошад.
Дар ин ҷаласа таъкид шудааст, ки ҳаҷми истеҳсоли маҳсулоти саноати сабук дар давраи амалишавии Барнома сол ба сол тамоюли афзоиш дошта, аз 2,7 млрд сомонии соли 2018 соли 2021 ба 4,1 млрд сомонӣ расонида шуд, ки суръати афзоиш нисбат ба соли 2018 1,5 маротиба зиёд гардидааст.
Ҳамчунин аъзои ҳукумати кишвар ҳамчунин Стратегияи рушди ҳифзи иҷтимоии аҳолии Тоҷикистон барои давраи то соли 2040, Барномаи корҳои оморӣ барои соли 2023, Барномаи рушди чарогоҳҳо дар Тоҷикистон барои солҳои 2023-2027, Барномаи рушди кинои Тоҷикистон барои солҳои 2023-2027 ва Низомномаи Стипендияи байналмилалии Президенти Тоҷикистон “Дурахшандагон”-ро мавриди муҳокима қарор доданд.
Президенти Тоҷикистон, зимни баррасии масъалаҳои рӯзномаи маҷлиси ҳукумат, ба роҳбарони вазорату идораҳои дахлдори мамлакат барои таъмини саривақтии иҷрои онҳо дастуру супоришҳои мушаххас дод.
Инчунин Эмомалӣ Раҳмон дар ин маҷлис бораи дар сатҳи зарурӣ гузаронидани давраи зимистони солҳои 2022-2023, таъмини аҳолӣ ва иншооти таъиноти иқтисодию иҷтимоӣ бо барқу гармӣ, пешгирӣ аз талафоти барқ ва ҳолатҳои сӯхтор, вусъати кишти тирамоҳӣ, захираи маҳсулоти хурока ва маводи сузишворӣ ва дар ҳолати мутобиқ ба талабот нигоҳдории иншооти роҳу нақлиёт дастур додааст.