ДУШАНБЕ, 25 окт— Sputnik. Вазорати корҳои дохилии Тоҷикистон аз боздошти зану шавҳаре дар вилояти Суғд хабар дод, ки дар фурзандфурӯшӣ муттаҳам мешаванд.
Ба гузориши котиботи ин ниҳод, боздоштшудагон 27-солаи сокинони ноҳияи Спитамен буда, мехостааст, писари серӯзаашонро фурӯшанд.
Ба иттилои манбаъ, ин фарзанди дуюмӣ дар оила буда, онҳо омода буданд, бар ивази шаш ҳоз сомонӣ ӯро диҳанд.
Кормандони пулис, ки қазияро пайгирӣ доштанд, ин ҷуфтро баъд аз “харидор”- сокини ноҳияи Ҷаббор Расулов гирифтани маблағ, дастгир кардаанд.
Зимни бозпурсӣ модар гуфт, ки бо шавҳараш қасди ҷудо шуданро дошт ва бинобар шароит надоштан хост тифлро фурӯшад.
"Ҳарду ҷудо шудани будем. Дар хонаи падару модар фикри бо ду фарзанд чи кор карданро гирифт. Хостам исқоти ҳамл кунам, аммо нашуд. Дигар имконам набуд, ва хостам ба он нафар, ки агар шароиташ хуб бошад, диҳам", - афзуд модари навзод.
Дар ҳоли ҳозир тибқи иттилои ВКД, аз рӯи ҳодиса бо моддаи 167 кодекси ҷиноятӣ ҶТ нисбати онҳо парвандаи ҷиноӣ оғоз шудааст.
Мақомот мегӯяд, дар соли равон ин дуюмин ҳолат аст, ки пулиси ноҳияи Б.Ғафуров аз чунин ҳолат пешгирӣ мекунад.
Қаблан низ дар ҳудуди ноҳияи мазкур як ҷавонзани 27-сола аз шаҳри Истаравшан дастгир шуда буд, ки мехостааст, писари дусолаашро бо маблағи 40 ҳазор сомонӣ фурӯшад,
Гуфта мешавад, ин ҷавонзан аз шавҳараш ҷудо шудааст ва саробонии се фарзандро ба зимма дорад ва писаре, ки мехост, фурӯшад, фарзанди хурдӣ дар оила будааст.