ДУШАНБЕ, 23 окт — Sputnik. Ҳаво дар Тоҷикистон тағйирёбандаи бебориш дар назар буда, гармӣ то 24 дараҷа мерасад, хабар дод Ожонси обуҳавошиносии ҷумҳурӣ.
Ба иттилои манбаъ, дар Вилояти Мухтори Кӯҳистони Бадахшон ҳавои тағйирёбандаи бебориш дар назар буда, ҳарорат дар ғарби вилоят шабона 0+5 дараҷа гарм, рӯзона 11+16 дараҷа гарм мешаванд. Дар шарқи вилоят ин нишондод шабона 3-8 то 9-14 дараҷа хунук ва рӯзона 2+7 дараҷа гармро нишон хоҳад дод.
Вилояти Суғдро низ ҳавои тағйирёбандаи бебориш фаро гирифта, ҳаво дар водиҳо шабона 8+13 дараҷа гарм, рӯзона 18+23 дараҷа гарм, дар ноҳияҳои кӯҳӣ шабона аз 2 дараҷа хунук то 3 дараҷа гарм, рӯзона 11+16 дараҷа гарм мешавад.
Дар вилояти Хатлон низ ҳаво тағйирёбандаи бебориш пешгӯӣ мешавад. Ҳарорат дар водиҳо шабона 8+13 дараҷа гарм, рӯзона 19+24 дараҷа гарм, дар доманакӯҳҳо шабона 6+11 дараҷа гарм, рӯзона 13+18 дараҷа гарм мегардад.
Дар шаҳру ноҳияҳои тобеи марказ ҳаво тағйирёбандаи бебориш пешгӯӣ шуда, ҳарорат дар водиҳо шабона 7+12 дараҷа гарм ва рӯзона 15+20 дараҷа гарм, дар ноҳияҳои кӯҳӣ шабона 2+7 дараҷа гарм, рӯзона 10+15 дараҷа гарм дар назар аст.
Шаҳри Душанберо ҳавои тағйирёбандаи бебориш фаро гирифта, шамол аз самти ғарб дар баъзе ҳолатҳо бо шиддати то 7-12 метр дар як сония мевазад. Ҳарорат шабона 10+12 дараҷа ва рӯзона 18+20 дараҷа гарм пешгӯӣ мегардад.