ДУШАНБЕ, 7 окт — Sputnik. Муовини сухангӯи ҳукумати Олмон Волфганг Бухнер ахиран дар посух ба суол дар бораи суханони Владимир Зеленский дар бораи "зарбаи пешакӣ" ба Русия гуфт, садриаъзами Олмон Олаф Шолс ба таври возеҳ мухолифи истифодаи силоҳи ҳастаӣ аст.
"Садриаъзам ба таври возеҳ мухолифи истифодаи силоҳи ҳастаӣ аст", - гуфт ӯ.
Вай қайд, ки дар айни замон, роҷеъ ба суханони Зеленский, мавқеи мушаххасе вуҷуд надорад.
Қаблан Владимир Зеленский, раисҷумҳури Украина дар Пажӯҳишгоҳи Лоуи Австралия дар як конфрос, ки ба таври маҷози иштирок дошт гуфт, ки НАТО бояд ба Русия зарбаҳои “пешакӣ” занад ва “мунтазири зарбаҳои ҳастаии Русия” нашавад.
Сипас котиби матбуотии Зеленский Сергей Никифоров тавзеҳ дод, ки вай ба истифодаи силоҳи ҳастаӣ алайҳи Русия даъват накардааст, балки таҳримҳои пешгирикунандаро дар назар дорад.
Дар ҳамин ҳол сухангӯи раисҷумҳури Русия Дмитрий Песков ба хабаргузории РИА Новости гуфтааст, ки ин суханон ҷуз даъват ба оғози ҷанги ҷаҳонӣ чизи дигаре нест, масъулияти ин бояд ба дӯши Иёлоти Муттаҳида ва Британияи Кабир мебошад, ки воқеан Киевро роҳбарӣ мекунанд.
Вай ҳамчунин таъкид кард, ки тамоми кишварҳои ҷаҳон бояд ба суханони Зеленский таваҷҷӯҳ кунанд.
СММ ҳам аз изҳороти Зеленский норозигӣ баён кард ва дар посух изҳор карданд, ки ҳатто баҳс дар бораи муноқишаи ҳастаӣ қобили қабул нест.