ДУШАНБЕ, 11 сен — Sputnik. Толибҳо пули зоирини афғонистониеро, ки дар маросими ҳаҷ сарф нашудаанд, бозпас медиҳанд.
Ба гузориши Sputnik Афғонистон, ин нуктаро Нур Муҳаммад Соқиб, иҷрокунандаи вазифаи вазири ҳаҷу вақф дар ҳукумати толибҳо баён доштааст.
Зикр шудааст, ки ҳар яке аз 13 ҳазору 582 зоир ба маблағи 4 ҳазору 130 доллари амрикоӣ барои анҷоми маросими ҳаҷ пардохт намудааст, ки дар маҷмуъ ҳудуди 53 млн долларро ташкил додаст.
Манбаъ таъкид намуд, ки аз маблағи ҷамъшуда 46 млн доллар сарф шуда, 7 млни дигар боқӣ мондаст. Пули боқимонда миёни ҳоҷиёни баргашта тақсим хоҳад шуд, ки ҳудуди 515 доллар сари як нафарро ташкил медиҳад.
Маврид ба зикр аст, ки ҳамасола садҳо ҳазор мусалмон аз саросари ҷаҳон бо парлохти маблағи муайян маросими ҳаҷро адо мекунад.
Дар мавсими ҳаҷҷи имсола беш аз 4 ҳазор сокини Тоҷикистон ҳаҷ карданд ва охирин гуруҳи ҳоҷиёни тоҷик то аввалҳои августи соли равон аз зиёрати хонаи Худо ва Ватан баргаштанд. Арзиши сафари ҳаҷ имсол 60 ҳазору 520 сомонӣ ё ҳудуди 5,3 ҳазор доллари амрикоӣ буд.