"Кайҳон"-и кӯдакон: мактаби ба номи Гагарин дар Душанбе дарашро боз кард - акс

Муҳассилин аз мактаби навашон ба ваҷд омаданд.

Дар мактаби ҷадиди русӣ беш аз 1,2 ҳазор хонанда имкони таҳсил доранд.

Дар ҳар синф набояд аз 24 хонанда зиёд қабул карда шавад.

Мудири мактаб, Владимир Гудков мегӯяд, таҳсил дар ин муассиса ройгон хоҳад буд.

Феълан ба ин мактаб 960 хонанда - 40 синфи аз 1 то 8 қабул шудаанд.

Мактаби нави русӣ дар шаҳри Душанбе ба номи Юрий Гагарин гузошта шуд.

Чаҳор мактаби дигар дар Хуҷанд, Бохтар, Кӯлоб ва Турсунзода кушода шуданд.

Мактаб дар Бохтар номи Михаил Ломоносов, дар Турсунзода - Дмитрий Менделеев, Кӯлоб - Константин Ушинский ва мактаби Хуҷанд номи Антон Чеховро гирифт.

Созишнома дар бораи сохтмон ва муҷаҳҳазсозии техникию модии мактабҳои мазкурро Тоҷикистону Русия соли 2019 имзо намуданд.

Барои сохтмону таҷҳизонидани макотиб Маскав ҳудуди 150 млн долларро ҷудо намуд.

Дар мактаб омӯзгорони Русия дарс хоҳанд гуфт ва барномаи таълимӣ махсус барои Тоҷикистон мутобиқ хоҳад шуд.