ДУШАНБЕ, 25 авг — Sputnik. Тоҷикистон дар “Биатлони танкӣ”, ки дар чаҳорчӯби Бозиҳои VIII байналмилалии артиш (АрМИ-2022) дар тамрингоҳи "Алабино"-и вилояти Маскав баргузор шуд, мақоми сеюмро касб кард.
Хамин тавр, экипажҳои Точикистон, ки дар дивизиони дуюм баромад карданд, вазифаҳои худро дар зарфи 1 соату 43 дақиқаю 28 сония ба иҷро карданд.
Маҳорати хизматчиёни ҳарбӣ, идоракунии боэътимоди техникаи ҳарбӣ ва талоши пирӯзӣ ба даста кӯмак кард, ки медали биринҷӣ гирад.
Дар мусобиқа ҷумҳуриро се экипаж намояндагӣ кард, ки ҳар кадоми онҳо се нафар: командири танк, тупчи-оператор ва ронанда иборат буд.
Дар маросими ботантана медалу мукофотҳоро сардовари Бозиҳои байналхалқии армия генерал-полковник Александр Лентсов супурд.
Ҷойи дувум насиби Сурия шуд. Экипажи ин мамлакат масофаро дар зарфи 1 соату 40 дақиқаю 59 сония тай кард.
Дастаи Мянмар барандаи мусобиқаи "Биатлони танкӣ" дар дивизиони дуюм гардид. Ба ҳарбиёни иш кишвар муяссар гардид, ки ин масофаро дар 1 соату 36 дақиқаю 25 сония тай кунанд.
Мусобиқа ду ҳафта давом кард, ки дар онхо хизматчиёни ҳарбии 21 мамлакат иштирок доштанд.
Ёдовар мешавем, ки соли 2021 тими Тоҷикистон соҳиби медали нуқра гардида буд.
Вазорати мудофиаи Федератсияи Русия ҳамасола "Биатлони танкӣ"-ро ташкил мекунад, ки он ба рушди ҳамкориҳои низомӣ ва таҳкими иттиҳоди ҷангии нерӯҳои мусаллаҳи кишварҳои ширкаткунанда нигаронида шудаанд.
Марҳилаи байналмилалии бозиҳо аз соли 2015 ташкил карда шуда, он аз пойгаи инфиродӣ ва даставӣ иборат аст. Иштирокчиён бояд хатсайри дорои монеаҳои гузаргоҳ, баландии "теппа", эскарп (девори то 2 м), монеаи обӣ, хандаки зидитанкӣ ва ғайраро тай кунанд.
Sputnik - Шарики иттилоотии байналмилалии Армия-2022