ДУШАНБЕ, 10 авг — Sputnik. Дар вилояти Суғд 221 нафар кормандони иҷтимоӣ ба нафақахӯроне, ки дар ин вилоят бе хешу табор ва наздикон зиндагӣ мекунанд, дар хона кумак мекунанд, хабар медиҳад Sugdnews бо истинод ба шӯъбаи ҳифзи иҷтимоии аҳолӣ.
Бар хабари манбаъ, дар шимоли кишвар беш аз 1,7 ҳазор нафар пирони танҳо ва маъюбон ба қайд гирифта шудаанд.
Ҳамаи онҳо ба кӯмак ниёз доранд. Пирони танҳо аз ҷониби кормандони иҷтимоӣ дар хона мунтазам таъмин карда мешавад.
Хамин тавр, нафақахӯрон ва маъюбон бе тағйир додани ҷои истиқомати худ бо тамоми шароити лозимӣ таъмин карда мешаванд.
Мақомот гуфтанд, ки кормандони иҷтимоъӣ тибқи ҷадвал ба шӯъбаҳои онҳо меоянд.
Дар вилоят 9 шӯъбаи хизматрасонии маишӣ амал мекунад. Дар вилояти Суғд, аз ҷумла дар Хуҷанд, Истаравшан ва ноҳияи Деваштич се маркази минтақавии кумак ба пиронсолон ва маъюбон вуҷуд доранд.
Масалан, танҳо дар маркази Хуҷанд 56 нафар шаҳрвандон дар васоят ва парастории давлат қарор доранд.
Илова бар ин, дар вилоятҳои Конибодом, Истиқлол, Ҷаббор Расулов ва Шаҳристон чаҳор марказ фаъолият мекунанд.