ДУШАНБЕ, 26 июл — Sputnik. Замир Кобулов, намояндаи вижаи раисҷумҳури Русия дар умури Афғонистони дар нишаст тошканд гуфт: “ман аз самими қалб аз тамоюли Амирхон Муттақӣ, вазири умури хориҷаи давлати муваққати толибон, ки хостори бозгардондан бидуни қайду шарт ҳафт миллиард доллари масдудшудаи мутаъаллиқ ба Афғонистон аст ҳимоят мекунам”.
Кобулов гуфт, Амрикои ҳафт миллиард доллари Афғонистонро масдуд карда аммо дар воқеъ онро “дуздидааст”.
Амирхон Муттақӣ, сарпарасти вазорати хориҷаи давлати муваққати толибон низ имрӯз дар нишасти Тошканд аз Амрико хост пулҳои мунҷамидшудаи Афғонистонро бидуни қайду шарт озод намоянд.
Дар ҳамин ҳол, Том Вест, намояндаи Амрико дар умури Афғонистон низ имрӯз аз омодагии Вашингтон барои гуфтугӯ бо толибон дар бораи дороиҳои масдудшудаи Афғонистон хабар дод.
Нишасти байналмилалӣ “Афғонистон; амният ва тавсеаи иқтисодӣ” дар Тошканд бо ҳузури ҳайати толибон ва намояндагони ҳудуди 20 кишвар ва созмонҳои байналмилалӣ бо меҳварияти Афғонистони имрӯз оғоз шуд.
Қарор аст дар ин нишаст, танзими иқдомот ва пешниҳодҳои ҳамоҳанги ҷомеъаи ҷаҳонӣ дар масоили кумак барои барқарории сабот ва амният, бозсозии пасодаргирӣ дар Афғонистон ва ҳамгироӣ дар равандҳои ҳамкории минтақае дар ҷиҳати манофеи мардуми Афғонистон ва тамоми ҷаҳон мавриди баҳсу баррасӣ қарор гирад.