ДУШАНБЕ, 10 июл — Sputnik. Дар як майкада дар канори Йоҳаннесбурги Африқои Ҷанубӣ тирпаронӣ сурат гирифт, хабар медиҳад шабакаи телевизионии eNCA.
Ба иттилои манбаъ, дар ҳодисаи мазкур дасти кам 14 нафар кушта шуданд.
Хабар дода мешавад, ки ҳоисаи нохуш шаби шанбе ба якшанбе дар канори шаҳри Соуето рух додааст.
Навор аз макони рух додани ин ҳодиса ба шабакаҳои иҷтимоӣ роҳ ёфтааст.
Ба иттилои ин шабака, 10 нафари дигар захмӣ шудаанд, ки вазъи се нафари онҳо вазнин аст. Пулиси маҳаллӣ гуфт, ки онҳо тирандозиро таҳқиқ мекунанд.
Ёдовар мешавем, ки чанд моҳ қабл дар яке аз мактабҳои Техас тирпаронӣ сурат гирифт, ки дар натиҷа 18 кӯдак ва 3 калонсол кушта шуданд.
CNN хабар дод, ки оташро як ҷавони ношинос дар мактаби ибтидоӣ дар шаҳри Увалде кушод. Дар ин мактаб кӯдакони аз 5 то 11-сола тақсил мекунанд.