ДУШАНБЕ, 7 июл – Sputnik. Сарвазири Бритониёи Кабир Борис Ҷонсонро пас аз суҳбат бо раиси ҳизби консервативи кишвар розӣ шудааст, ки аз мақомаш истеъфо диҳад.
Дар ин бора РИА "Новости" бо такя ба расонаҳои бритонӣ хабар медиҳад.
Ин дар ҳолест, ки пештар, вазири молияи Бритониёи Кабир Надим Заҳавӣ аз сарвазир даъват кард, ки истеъфо диҳад.
Ӯ инчунин матни изҳоротро нашр кард, ки мегӯяд, Бритониё сазовори ҳукумате аст, ки софдилона амал мекунад.
Дар баробари ин сиёсатмадорони бритонӣ аз он изҳори норозигӣ карданд, ки Ҷонсон Пинчерро ба вазифаи ҷонишини координатори ҳизби консервативй таъин кардааст, гарчанде ки аз гузаштаи машҳури ӯ бохабар буд.
Собиқ муовини вазири умури хориҷии Бритониё дар умури Аврупо ва Амрико Кристофер Пинчер бошад, қаблан дар як клуби Лондон дар ҳолати мастӣ занозанӣ карда буд.
Вазирони молия ва беҳдошт қаблан эълом карда буданд, ки ба далели эътимод надоштан ба нахуствазири Британия истеъфо медиҳанд06.07.2022
Ҷонсон узрхоҳӣ кард ва иқрор шуд, ки "кори нодуруст кардааст".
Бо вуҷуди ин, дар робита ба ҷанҷол, ба далели нобоварӣ ба нахуствазир як силсила истеъфоҳо ба вуқӯъ пайваст. Дар камтар аз ду рӯз ҳудуди 50 корманди давлатӣ, аз ҷумла раҳбарони бахшҳои калидӣ, аз қабили вазорати молия ва вазорати тандурустӣ, аз мақом рафтанд.
Аксари онҳо аз Ҷонсон талаб карданд, ки истеъфо диҳад, аммо ӯ рад мекард.