ДУШАНБЕ, 2 июл — Sputnik. Рассом ва аниматори маъруф Леонид Швартсман даргузашт. Дар ин бора дафтари матбуоти "Союзмультфильм" хабар додааст.
Офарандаи "Чебурашка" ва тимсоҳ "Гена" дар синни 102-солагӣ даргузашт. Сабаби марги ҳунарманд мушаххас нест.
Гуфта мешавад, ки рӯз, вақти видоъ ва маросими дафн дертар эълон хоҳад шуд.
Бояд гуфт дар миқёси собиқ Иттиҳоди Шӯравӣ кӯдаке нест, ки филмҳои тасвирии машҳури Швартсманро надида бошад.
Ҳама ақаллан як асари ӯро аз қабили: "Антилопаи тиллоӣ", "Маликаи барфӣ", "Гурбача бо номи Вуф", "Гули арғувонӣ", "Миттен" тамошо кардаанд.
Леонид Аронович дар Минск таваллуд шудааст. Дар Ленинград мактаби Институти рассомӣ, ҳайкалтарошӣ ва меъмориро хатм кардааст.
Сипас ВГИК-ро бо дипломи таҳиягари филмҳои тасвирӣ хатм намудааст.
Швартсман аз соли 1948 дар "Союзмультфильм" кор мекунад.
Леонид Швартсман чанде пеш аз 100-солагии рӯзи таваллудаш барои хизматхои калонаш дар инкишофи маданият ва санъати миллӣ ва фаъолияти чандинсолаи пурсамараш бо ордени Александр Невский қадрдонӣ шуд.
Соли 2002 унвони Ҳунарпешаи мардумии Русияро гирифт.