ДУШАНБЕ, 2 июл — Sputnik. Ҳукумати Русия қарореро тасвиб кард, ки ҳисобкунии боҷи содиротии ғалла, равғани офтобпараст ва хӯроки чорво ба ҷои доллар ба рубл гузаронида мешавад, хабар медиҳад Ura.ru.
"Нархи базавӣ барои ҳисоб кардани боҷи содиротии гандум ба ҷойи 200 доллар, 15 ҳазор рубл, ҷав ва ҷуворимакка бошад ба ҷойи 185 доллар, 13 875 рубл муқаррар карда мешавад", - омадааст дар қарор.
Ҳамчунин барои кунҷола низ 13 875 рубл муқарар шудааст. Боҷҳои содиротии равғани офтобпараст баландтарин - 82 500 рубл барои як тонна хоҳад буд.
Қаблан Шӯрои Иттиҳодияи Аврупо оид ба корҳои хориҷӣ хабар дода буд, ки “маҳдудиятҳои Иттиҳодияи Аврупо воридот ва ҳамлу нақли колоҳои кишоварзӣ аз Русия ва ҳамчунин содироти тухмӣ аз он ба кишварҳои сеюмро манъ намекунад”.
Маврид ба зикр аст, ки раисҷумҳури Русия, Владимир Путин рӯзи 23 март дар бораи гузариши пардохти ҳақи газ ба рубл бо ИА ва дигар давлатҳое, ки алайҳи ФР таҳрим ҷорӣ кардаанд, дастур дода буд. Фармони дахлдорро сарвари давлат рӯзи 31 март ба имзо расонд.
То ҳол ба далели саркашӣ аз иҷрои ин талабот, ширкати русии "Газпром" интиқоли маводи сӯхт ба Финландия, Лаҳистон ва Булғористонро қатъ кард.