ДУШАНБЕ, 28 июн — Sputnik. Дар Душанбе музокироти дуҷонибаи раисиҷумҳурони Тоҷикистону Русия, Эмомалӣ Раҳмон ва Владимир Путин оғоз шуд. Мулоқоти кишвардорон дар бинои Қасри миллат сурат мегирад.
Интизор меравад, сарони давлатҳо ҳамкориҳои дуҷонибаро баррасӣ намуда, дастурҳои рушди муносибатҳои минбаъдаро муайян кунанд.
Ҳамчунин, вазъи Афғонистон ва чораҳои таъмини амният дар марзҳо низ мавриди таваҷҷӯҳи раисҷумҳурон қарор мегирад.
Қаблан ёвари раисҷумҳури Русия дар умуми байналмилалӣ, Юрий Ушаков изҳор дошт, ки дар ҷараёни суҳбати Владимир Путин ва Эмомалӣ Раҳмон, масъалаи шомилшавии Тоҷикистон ба ИИАО низ ба миён гузошта мешавад.
Бояд гуфт, сар аз соли 2000 ба ин сӯ, Владимир Путин дасти кам 11 маротиба аз Тоҷикистон боздид намудааст.
Гуфта мешавад, роҳбари Русия баъди Тоҷикистон аз Ишқобод боздид мекунад.