ДУШАНБЕ, 10 июн — Sputnik. Раисиҷумҳури Тоҷикистон Эмомалӣ Раҳмон мушовири худ дар умури иқтисод Ҷӯразода Кабирро аз вазифа озод кард.
Бино ба гузориши хадамоти президентии Тоҷикистон, дар ин бора амри президенти Тоҷикистон имзо шудааст.
Сабаби озод шудани мушовири президент дар умури иқтисод гуфта нашудааст.
Ҳамчунин бо амрҳои дигари кишвардор, Аҳлиддин Ибодуллозода бо сабаби ба кори дигар гузаштан аз вазифаи директори "Осорхонаи миллӣ"-и Дастгоҳи иҷроияи президенти озод шуд.
Ба ҷояш Зафаршо Иброҳимзода, ки то ҳол дар вазифаи муовини директори ин муассиса фаъолият мекард, мудир таъин гардид.
Зимнан бо амрҳои дигари президент, ду муовини Маркази миллии тестии назди президенти таъин шуданд.
Инҳо, Абдулвосит Шодиниё ва Уктам Олимҷонзода мебошанд.