ДУШАНБЕ, 4 июн — Sputnik. Рӯзи шанбе як қатори мусофирбари баландсуръат дар ҷануби Чин аз хатти ҳаракат баромад. Дар ин бора Телевизиони марказии ин кишвар хабар медиҳад.
Ҳодиса дар музофоти Гуйчжоу рух додааст. Тибқи маълумоти пешакӣ, ронанда ба ҳалокат расида, 8 нафари дигар ҷароҳат бардоштаанд.
Маълум аст, ки 4 июн тахминан соати 10.30 бо вақти маҳаллй (7.30 бо вақти Душанбе) қатори D2809 аз шаҳри Гуйян (маркази маъмурии музофоти ҷанубии Гуйчжоу) ба Гуанчжоу (маркази маъмурии музофоти ҷанубии Гуандун) равон шуд.
Қатор пеш аз ворид шудан ба истгоҳи Рунҷзян дар минтақае дар музофоти Гуйчжоу ба монеа бархӯрдааст.
Маълум шуд, ки сабаби он селе буда, ки якбора хатти роҳи оҳанро пур кардааст.
Дар натиҷа вагонҳои ҳаштум ва ҳафтум аз хатти ҳаракат баромад.
Ба гуфтаи мақомоти маҳаллӣ, дар ин ҳодиса як ронанда, як кондуктор ва ҳафт мусофир захмӣ шудаанд.
Бо вуҷуди талошҳои табибон, ронанда аз захмҳои бардоштааш даргузашт. Ба боқимондаи маҷруҳшудагон ёрии зарурии тиббӣ расонида шуд, ба ҷони онҳо хатар таҳдиди намекунад.
136 нафар мусофирони қатораи дигар тахлия карда шуданд. Дар ҳоли ҳозир дар маҳалли ҳодиса барои рафъи оқибатҳои садама ва таҳқиқи сабабҳои он корҳо идома доранд.